令人失望的利物浦

睇完利物浦歐聯對馬賽的那場波，加埋今場英超對熱刺，真係睇到把幾火。

季初仲諗住今年英超冠軍有望，但睇完呢兩場比賽，真係令人切底失望。成隊波打到毫無組織，淨係識右邊出波或斬去禁區口，但係成隊波又無邊個頂得之人，最頂得係希比亞，但係佢係後防中。一係就龍門連拿大腳斬比托利斯跑狗博單刀，完全係無組織到攻勢。隊長謝拉特好明顯鬥心係夠，但係就無乜組織攻勢嘅天分。但中場中沙比艾朗素又傷咗，馬斯卓蘭盧又只係防守中場，防守有如，攻力不足，好應該神早出班拿約，同巴布組織攻勢。對熱刺呢場波等到６０分鐘先出佢地，唔通主場想博和咩，神早輸１：２就即刻出佢地啦，我都唔明領隊賓尼迪斯點諗。佢教隊波再係教成咁，雖然我都對佢幾有好感，但係隊波再係踢成咁，我都建議換領隊，唔可以再踢呢ｄ垃圾波。

還有利記輸兩球波都係希比亞頂輸比貝碧托夫，好明顯希比亞已經嚴重退化，１月轉會市場重開，急切搵一個中堅做後備，否則後果嚴重。