好耐無寫blog了，上個月因為天氣寒冷，真係無咩心機寫嘢。今個月因為工作煩忙，所以無咩時間寫blog。今日星期日，襯有時間寫返篇文，以文會下友。
下個星期日就係台灣總統大選了。在暫時情況睇嚟，國民黨嘅馬英九都十拿九穩可以勝出總統大選，但係民進黨最叻攪陰謀，唔知到臨選果幾日攪個槍擊暗殺事件出嚟，咁就真係有戲睇了。如果馬英九順利當選，中國統一將會邁進一大步。因為中共一定會打經濟牌穩住台灣，當台灣無咗中國唔得，咁一統只係遲早嘅事。
當了地產經紀一個月，發覺地產週期真的快見頂了。啲地產盤大部份都掛到天價咁高，個個都似為個樓價唔會跌咁，但係無咩人會接啲貨，有價無市。物極必反，有樓要放好快放了，要買樓嘅千其唔好買住，唔係就真係接火棒了。
今日寫住咁多先，下次再談。
沒有留言:
發佈留言