聯儲局減息半厘！！

伯南克真係大幅減息，股市想唔升到半天高都難了！

雖然減息有利股市，但對通帳就大大不利。美國的CPI已經開始回升，石油重上80美元一桶的水平；金價又去到700美元一ounce的高位，美金又弱過藥材鋪，而家重要減息成半厘咁多，真係唔知伯南克點樣解救呢個殘局了。

不過唔減息又唔係，布殊嘅民望已經創新低，伯南克身為布殊親自欽點官員，點都要為布殊政府打一打氣，為次按危機救救火，等布殊可以好好地做埋之後任期。

如果而家先想嚟入市，遲咗啦，而且個市場表面風光，暗藏殺機。與其和其他股民爭紅頂綠，不如留意下黃金、歐元、商品好過啦。美國減息，呢ｄ其他投資更有可為。